Gustur vettlingar eru sígildir vettlingar sem falla vel að eigandanum. Vettlingarnir eru prjónaðir að neðan frá og upp í tvöföldu perluprjóni. Báðir vettlingarnir eru prjónaðir eins svo ekki skiptir máli hvort verið sé að prjóna hægri eða vinstri vettling. Vettlingarnir er prjónaðir með tvöföldu perluprjóni en þumallinn er prjónaður í sléttu prjóni. Stroffið er 1x1 stroff.
Stærðir & mál
Gustur vettlingar eru hannaðir þannig að þeir falli vel að lófanum.
Stærðirnar S (M) L (XL) eru hannaðar til að passa fyrir ummál 17-18 (19-20) 21-22 (23-24) cm, mælt yfir breiðasta part handarinnar.
Stærðir: S (M) L (XL)
Heildarlengd: 25.5 (27) 29 (31) cm
Prjónfesta: 18 lykkjur x 30 umferðir = 10 x 10 cm í sléttu prjóni á 4.50mm prjóna
Prjónar: 4.50 mm & 4.00mm, hringprjónar (Magic Loop aðferðin).
Tillaga að garni:#1: 2 þræðir 100 (100) 150 (150) g Tumi frá Rauma Garn (50g = 130m),
prjónaðir saman
Annað: Prjónamerki
Erfiðleikastig: 2 af 5.
Hentar vel byrjendum í prjóni sem vilja prufa mynsturprjón!
Vetlingarnir á myndinni er prjónaðir úr tvöföldum Tumi (2288- grábrúnn).
